За Ердоган Шангајската организација е алтернатива на ЕУ

Турскиот претседател Реџеп Таип Ердоган изјави дека Анкара во Шангајската организација за соработка гледа реална алтернатива за членството во Европската Унија, пренесе Хабертурк телевизија.

– По брегзит, слични работи можат да се случат и во другите европски земји, Франција зборува за тоа, исто така и Италија. Зошто Турција да не стане член на шангајската петорка? Тоа им го кажав на претседателот на Русија, Владимир Путин, и на претседателот на Казахстан, Нурсултан Назербаев, и на другите земји-членки на организацијата – истакна Ердоган за време на посетата на Пакистан и на Узбекистан.

Тој додаде дека на Турција би ѝ било попријатно да работи со Шангајската организација за соработка додека ЕУ го одложува процесот на придружување.

Извор: Нова Македонија