Правдико

   

За неколку дена почнува уривањето на нелегалните платформи и тераси во Охрид

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Градоначалникот на Охрид Константин Георгиески денеска најави дека во прашање се денови кога ќе почне уривањето на дивоизградените платформи и тераси во градот.

– Почетокот на акцијата за отстранување на бесправно изградените објекти се брои со денови. Апелирам до сите кои добиле решенија за остранување на објекти, независно дали се работи за платформи, тераси, бетонски бази и друг вид нелегално изградени објекти, не ден побрзо, туку час поскоро да почнат сами да ги острануваат. Уривање во Охрид ќе има многу скоро, рече Георгиески.

Во врска со писмото од дел од угостителите упатено до надлежните институции во кое тие ретерираа од претходно најавените активности дека сами ќе ги отстранат платформите пред нивните објекти во езерото, градоначалникот им порача од утре да ги чекаат инспекторите со налог за инспекциски надзор и за целокупните објекти заедно со терасите, а не само на платформите.

– Инспекцискиот надзор на платоформите веќе е спроведен. Сега ќе добијат решение за отранување на само на платформите, туку и за објектите и за терасите, рече тој притоа појаснувајќи дека се работи за сите платформи на брегот на езерото, и тоа не само во градот туку и на плажите.

Георгиески вели дека откако ќе бидат урнати дивоградбите, ќе следи план за управување со тој дел, а не како што рече „како некому ќе му текне да поставува објекти низ градот“.

Георгиески уште додаде дека е готова листата на бесправно изградени објекти по пописот предмети за кои било побарана легализација, а претходно е изготвен и регистарот на нелегално изградени објекти. Во тек е изработка на динамички план на сите објекти што се во активна зона на управување на Националниот парк „Галичица”, како и во крајбрежјето односно заштитениот појас, како и процес на евалуација на документацијата на тие објекти.

– Сите сопственици на такви објекти во периодот што следува уште еднаш писмено ќе бидат известени дека нивниот објект ќе биде отстранет. Им останува некој рок од уште десеттина дена да почнат тоа да го прават сами. Периодот на преговарање, договарање, молење заврши. Сите што имаат илегални објекти да почнат сами ден поскоро да ги отстрануваат затоа што кога ќе почнеме ние со акцијата, после отстранувањето на сопственикот ќе му биде доставен трошковник што предвидува покривање на трошоците не само за уривање, туку и за полициска асистенција и други работи, кажа денеска Георгиески.

Извор: Нова ТВ

Партнери на Правдико