Законот за СЈО помина на Влада – Ако има 80 пратеници, може да се донесе уште месецов | Правдико

Правдико

   

Законот за СЈО помина на Влада – Ако има 80 пратеници, може да се донесе уште месецов

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Законот за Јавното обвинителство, со кој се регулира статусот на специјалното јавно обвинителство, поминал на владина седница, потврдија за „Макфакс“ извори од Владата. Следува периодот на убедување на пратениците од ВМРО-ДПМНЕ, независната пратеничка група и помалите партии на етничките Албанци.

Истиот извор посочи дека ако се обезбедат 80 пратеници во Собранието за да се донесе законот, можно е уште месецов да се донесе законот со кој се обезбедува иднина за истрагите, обвиненијата и предистражните постапки на обвинителството. ВМРО-ДПМНЕ објави дека за овој закон, бараат лидерска средба.

Новиот закон се предвидува СЈО да биде надлежно за истрагите отворени по рокот од 30 јуни 2017 година. Предлог-законот предвидува СЈО да биде автономно, но хиерархиски подредено под државното Јавно обвинителство и да се застапува самото во прв и втор степен пред судовите, а во трет степен пред Врховниот суд тоа да го прави обвинител од ЈОРМ.

Нацрт-законот предвидува предметите што се во фаза на судење, обвиненијата и истрагите отворени по 30 јуни 2017 година, да ги застапува СЈО пред судовите. Мандатот на шефот на СЈО и на обвинителите ќе биде идентичен како и во Обвинителството за гонење организиран криминал и корупција. Предистражните постапки што ги почнало СЈО може да ги преземе и Обвинителството за гонење организиран криминал и корупција во согласност со надлежноста.

Мандатот на сегашните обвинители во СЈО би бил најмалку една и најмногу до 2 години. По една третина од обвинителите ќе бидат избирани етапно на една година, на една им пол година и на две години, а изборот ќе го прави Советот на јавните обвинители.

Сите желби на СЈО во поглед на тоа што за што да биде надлежно во законот што самите го подготвија не се усвоени. Освен за бомбите, СЈО би било надлежно за кривичното дело попречување на правдата, за дела против изборите и гласањето, за кривични дела што ги сториле функционери преку злоупотреба на службената положба и овластувањето и сл.

Законот, меѓу другото, пропишува прислушуваните материјали да се користат заклучно со 15 септември 2020 година, а бомбите да се уништат една година по правосилната судска пресуда.

Извор: Макфакс

Препорачуваме

Партнери на Правдико