Собранието на Македонија денеска ќе ја продолжи 84. седница, почната на 3 февруари годинава.

На дневен ред на четвртото продолжение на седницата се измените и дополнувањата на Законот за материјално обезбедување на невработените лица поради приватизацијата на претпријатијата со доминантна сопственост на државата во периодот од 2000 до 2004 година, по скратена постапка.

Пратениците ќе расправаат и за измените и дополнувањата на Законот за минерални суровини, на Законот за постапување со бесправно изградени објекти, како и за измените на Законот за аудио и аудиовизуелни медиумски услуги, сите во скратена постапка.

Извор: 24вести