Запленета дрога при претрес во Кичево

Полициската станица од Кичево поднесе кривична пријава против Р.В. (40) од Кичево поради неовластено производство и пуштање во промет наркотични дроги, психотропни супстанции и прекурсори и недозволено изработување, држење, посредување и тргување со оружје или распрскувачки материи.

На 17 минатиот месец, во 6.30 часот, со наредба на заменик-судија на претходна постапка од Основниот суд во Кичево извршен е претрес во неговиот дом, како и во неговото возило „ауди“. Полициските службеници пронашле бела прашеста материја со бруто-маса од 19,9 грама, сува растителна материја со бруто-маса од 1.169 грама, 3 куршуми, засега во непознат калибар, како и други предмети наменети за подготовка и користење опојни дроги. Пронајдените предмети се одземени и се испратени на вештачење во МВР Скопје.

Извор: Макфакс