Започна судски процес за обид за убиство на Ердоган

Во Tурција започна судски процес против 47 лица, кои се обвинети за обид за убиство на претседателот Реџеп Тајип Ердоган, ноќта на 15 јули минатата година кога беше спречен обидот за државен удар.

Триесет и седум од обвинетите се поранешни воени лица, на кои им се заканува доживотна казна затвор поради обвиненија за обид за убиство, за промена на уставниот поредок и за други кривични дела против државата.

Осомничените се обвинети за нападот на хотел во Мармарис, каде што престојуваше Ердоган, при што беа убиени двајца полицајци.

Извор: 24Вести