Земјите со најголема застапеност на жени во парламентот

Објавено: 29/05/2014

Изминатата година беше годината во која парламентите ширум светот броеле најмногу жени. Просечно, 21,8% од членовите на парламентот се жени низ светот. Во 2012 година, процентот изнесувал 20,3. Пред една деценија, тој изнесувал само 15.

Според неодамнешен извештај од страна на Меѓупарламентарниот сојуз, парламентот на Руанда има најголем процент на жени во светот. Дури 63,8% од членовите на парламентот во оваа земја се жени. Ова е последица од новиот устав на земјата, според кој, најмалку 30% од сите законодавни места мора да бидат доделени на жените.

На второто место на листата се најде Андора, со 50% присутност на жените во парламентот. Зад неа следуваат Куба, Шведска и Сејшели.

Од друга страна, на последните места се најдоа Микронезија, Палау, Катар и Вануату, со 0% присутност на жените во парламентот.

Иако овие податоци покажуваат напредок, жените продожуваат да бидат помалку застапени во владата, па дури и во Руанда, кадешто присуството е пониско во владата за разлика од парламентот.

Ова се десетте земји со најмногу застапени жени во парламентот.