Жалбите на Грујовски, Јакимовски и Бошковски стигнаа во Врховен суд

Жалбите за притворите на Горан Грујовски, Тони Јакимовски и Никола Бошковски стигнаа до Врховниот суд. Тоа го потврди за „Макфакс“ адвокатот на одбраната , Петар Василев.

Сите тројца се обвинети  во случаите „Таргет“ и „Тврдина“, кои се однесуваат на незаконското прислушување илјадници телефонски броеви за кои воопшто не биле издадени судски наредби и на незаконското уништување на опремата со која се правело тоа кога беше откриен случајот.

Апелацискиот суд деновиве практично ги уважи приговорите на СЈО и на тројцата им одреди мерка притвор наспроти сите други обвинети на кои само им беа одземени пасошите.

Извор: Макфакс