Значењето на Европската конвенција за заштита на човековите права во борбата со семејното насилство

Објавено: 27/09/2020

Европската конвенција за заштита на човековите права и слободи е усвоена во 1950 година во Рим, од страна на 38 тогашни членки на Советот на Европа, а стапила на сила во 1953 година. Како основа за донесување на Европскaта конвенција за човекови права се зeмаат претходно донесените меѓународни документи кои нормираат прашања кои се поврзани со правата и слободите на човекот, пред се Универзалната декларација за човекови права на Организацијата на Oбединетите Нации.

Доведувајќи ја во контекст на семејното насилство може да се утврди фактот дека Европската конвенција за заштита на човековите права и слободи, претставува документ од меѓународна природа кој прашањето за семејното насилство го регулира на еден индиректен, посреден начин. Иако регулирањето на прашањето кое е од непосреден интерес е направено на ваков начин, сепак значењето на некои права предвидени во конвенцијата се од значење за заштитата од феноменот на семејното насилство.